Atondu, XXI.menderako proposamena

'Atondu', janztearen garrantzia

Ane Albisu Iriarte, 1976. urtean hasi zen euskal jantziak ikertzen. Argia dantzari taldean, Eusko Ikaskuntzako Folklore sailan eta azken 21 urteotan Ikerfolk folklore ikerketa erakundean folkloreari eta modari lotutako hainbat ikerketa eta lan egin ditu.
Atondu, XXI. Menderako Proposamena , jantziari berari baino janzteari, prestatzeari edo atontzeari garrantzi gehiago ematen dion liburua dogu.
"Tradiziozko jantzi batek gaur eguneko gure gizartean jokatzen duen rola aztertu nahi izan dut. Eguraldiaren edo gorputzaren arabera janzten gara eta ez diogu, normalean, gure herriaren izaerari erreparatzen. Hala, tradiziozko jantzi batek zertarako balio duen ulertzea oso zaila egiten zaigu".
Azken ehun urteotan euskal jantzi tradizionalek duten ibilbidearen historia laburra ere jaso du Albisuren liburuak. Euskal Herriko txoko ezberdinetan erreskatatutako askotariko argazkiak biltzen ditu honen erakusgarri. Besteak beste, XIX. mende amaieran Landetako emakume talde baten irudia dago edo garai berean Bizkaiko herri batean bildutako talde batena.
Liburu honek, erakuslehio izan nahi du orain arte eginiko diseinuak eta aurrerantzean egingo direnak koloreko argazkitan ahalik eta modurik ikusgarri eta zehatzenean ezagutzera emanez.

Gai hau gustokoa izango dozuelakoan, Zamudioko liburutegiak, antolatu dauan hitzaldirako gonbidapena luzatzen deutsue.
Azaoraren 23an, 19:30etan